قليل من فكر بيوم القيامة

المجتمع صاير حلاله / حرامه !
و حنا نقول اَنه مثالي و مرموق

نحرص على أسباب الزعل و الملامه
و نقول گيف نفارق الضيق و نروق ؟

صرنا نفگر في ( الغطا و اللثامه )
و نگشخ و نقضي يومنا لفّ ف السوق

نتبع مفاتن .. قبل نتبع ( شهامه )
.گنّّ الجسد شهوه مَ هو دم و عروق !

الشخص فينا گل همّه .. غرامه
گأنه عشان الحب و العشق مخلوق !

نحگي بذوق مع العرب و ابتسامه
لگن مع اهلنا و لٱ نعرف الذوق

ننسى إن گل إنسان فگره : مقامه
.ۈ نصنّف أهل المجتمع تحت او فوق

صار الرجل حلمه و جلّ اهتمامه
يصبح غني لو گان من مال مسروق

نشرح سبل عيش الحياه بگرامه
و حنا الأوادم عندنا أرخص من النوق !



قليل .. من فگّر بيوم القيامه : (
.تفگيرنا گله في الاحساس و الشوق



نبغى حقوق إنسان لو هي علامه
و حنا مَ نعطي ( ربّنا ) أيّه حقوق

نحگي عن الدين و عن الاستقامه
و بيوتنا اغلبها ( خيانات ) و عقوق

گلٍ يبي يملي علينا كلامه
گن الأوادم عايشه وسط صندوق

وشلون يفرض مجتمع احترامه
و أگبر طموحاته ( متى الحرمه تسوق )


ممن ججد =(