احلي نجوم
عفواً أخي الزائر الكريم اذا كنت تشاهد هذه النافذة الآن فهذا يفيد بانك غير مسجل لدينا كعضو

نرجو منك التسجيل و نوعدك بافضل الخدمات لنقدمها لك

مع تحيات ادارة المنتدى
احلي نجوم
عفواً أخي الزائر الكريم اذا كنت تشاهد هذه النافذة الآن فهذا يفيد بانك غير مسجل لدينا كعضو

نرجو منك التسجيل و نوعدك بافضل الخدمات لنقدمها لك

مع تحيات ادارة المنتدى
احلي نجوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


احلي نجوم
 
الرئيسيةالبوابةأحدث الصوردخولالتسجيل

 

 عالم السييرك ..

اذهب الى الأسفل 
كاتب الموضوعرسالة
Rawan Alkld
عضو
عضو
avatar


عدد المساهمات : 25
تاريخ التسجيل : 27/06/2012

عالم السييرك .. Empty
مُساهمةموضوع: عالم السييرك ..   عالم السييرك .. Icon_minitimeالخميس يونيو 28, 2012 1:34 am

السلام عليكم ..


كان يامكان في قديم الزمان في عصر اسمه عصر الرومان عام 500 ق.م كان عندهم نوع من انواع العروض
الداميه الوحشيه بانهم اذا مسكوا ناس مخالفين او ناس عليهم عقوبات من الدوله ياخذونهم ويذبّونهم داخل ساحه
دائريّه فيها مدرجات كثيييير تكون خاصّه بالناس وفيها مساحه على جنب تكون للحاكم واعوانه جعلهم الضربه ..



الساحه هذي تشهد معارك داميّه جدا بين هذولي المخالفين وبين مصارعين معهم اسلحه وادوات حادّه
فكرتهم وقمّة متعتهم تكمن بمشاهدة هذا القتال والدمويه اللي تحصل وانواااع التشجيع والترفيع وسعة الصدر
وكل مامات ناس كثير كل مازادت وناستهم وحماسهم .. المهم تطوّروا شوي ودلّوا بدال هالمصارعين حطوا حيوانات
مفترسه اسود وضباع ودببه عملاقه يجوّعونهم بالايام همن يحطونهم في الساحه ذي ويخلون المعاقبين يواجهونهم
واول حلبه سوت هالحركه الوصخه كانت حلبة ماكسيموس في روما

تخيّل نفسك عزيزي القارئ تغلط غلطه ويمسكونك الجنود ويجوّعون لك مخصوص اسود كبر قريح ويدخلونك عليه قدام
آلآف الناس اللي تتفرج وتشجّع وتصارخ بدون ادنى احترام للحقّ البشري والانساني .. والله ان انهبل واموت روعه
قبل ادخل ..

المهم من هالفتره ياجماعه تولّد لنا مفهوم السيرك بشكل مبسّط وهو وجود مكان دائري فيه مقاعد للمشاهدين وداخلها تصير
عروض ومباريات .. و علي شوي شوي ومع حبّ الناس لمشاهدة العروض بدوا الناس يتطوّرون ويستغنون عن الدم والقتل
ويخلّون عروضهم فيها فكاهه وفيها سعة صدر صدقيّه وحطّوا راقصين وعروض خفّه واشياء غريبه وصاروا يسوونها
بسيرك متنقّل عشان يقدرون منها يوصلون لكلّ الناس ويكسبون ارباح اكثر وكانوا اكثر ناس يسوون عروض السيرك
هم الغجر في القرن 14م يسافرون ويدورون علي العالم بعربات ومعهم رقّاصينهم وحيواناتهم وقشّانهم ..



طبعا لفظ (( السيرك )) معناها باليوناني واللاتيني دائره وحلقه وبعضهم يقول انها تنطق اصلا سيركل يعني دائره
بس الناس حرّفوها مع الزمن وصارت تنطق سيرك


--------------------------------------------------------------------------


المهم ياقدعان ان ذولي اللي اسمهم الغجريين على شوي شوي معد صاروا يقدمون عروضهم واجد وانقطعوا واختفى السيرك ..
لييين جا واحد عام 1768م يقالّه فيليب آستلي ..

قال هااااو !! وراكم نسيتوا السيرك وعروضه ياشينكم .. يوم قال هالجمله راح وسوّا له اول سيرك حديث بالعالم في لندن
وسوّا افتتاح وش كبره طول بعرض وعزم فيه كلّ الخلق وفلان وعلّان ..



..
وهو عاد كان فارس وراعي خيول وفروسيّه وكانت اغلب عروضه في السيرك
على الخيول من هالنمونه ..



خيول راقصه .. خيول يوقف عليها عارضين وهي تركض وهكذا .. وعلى شوي شوي بدا يتمدّن وصارت فيه عروض بشريّه
اللي يمشون على حبال واللي يقمزون وسط حلقات نار مشتعله وبعد صارت فيه عروض للحيوانات زيّ الفيل والكلاب والاسود
وكان مشهووور بسيركه مره انه اطلق شي وكان يقدم عروض ساخره وكوميديه بين الفقرات عشان مايحسّ الجمهور بالملل ..
ويقولون ان حبّ الانجليز للكلاب كان بسبّة سيرك فيليب لانهم اعجبوا بعروضهم مرّه ولان الكلاب كانت وفيّه لفيليب لدرجة يوم
فطس عام 1814 ضاقت صدور الكلاب وعيّت تاكل وتشرب من الحزن لين ماتت هي الثانيه ..


شوي يوم جا القرن 19م غاروا اهل الولايات المتّحده الامريكيّه وقالوا وحنّا بعد نبي نزيّن لنا سيرك وبدال لايكون بمكان واحد
صاروا يسوونه سيرك متنقل على عربات .. العربات هذي كان يسكنها مالك السيرك و لاعبين السيرك والعمال والحيوانات
وبعد لازم يكون من ضمنهم حدّاد وطبيب وبيطري وحلاق وطباخ ووحده اسعاف اوليّه ودنيا ..



كانوا يمشون بفرقتهم هذي من دوله لدوله ويطّقون خيمه ضخمه حقّت السيرك ويقولون ان اول واحد استخدمها اسمه
بوردي براون ..


وكانوا يصنعونها من قماش نبتة القنّب لان اليافها قويّه وتتحمّل الرطوبه والمطر
وكانوا يعتمدون كثير في عروضهم على الاشياء الغريبه زي عرض الرجل البدين .. المرأه الملتحيه .. الاقزام .. مخلوقات مشوهه
وكانوا الامريكيين منوّل من كثر اهتمامهم بالعائد المادّي والاقتصادي ويبون يجذبون الناس بأي وسيله كانوا يلبّسون
اللاعبات اللي في السيرك مايوهات ولبس .. ويقولون فيه واحد اسمه آدم فوريو سوّا في سيركه مسابقة اجمل
فتاه في امريكا وان هذا كان منطلق مسابقات ملكات الجمال في العالم ..
و كان اكثر سيرك متنقّل عندهم مشهور واحد اسمه سيرك الاخوه رينغلينغ وسيرك باريوم وبيلي ..



وأما في العالم العربي طلع سيرك عائلة عاكف عام 1912م بعدين سيرك عائلة الحلو في مصر ..





ومع تطوّر العالم ياجماعه وبما ان السّيرك فنّ وابداع وخليط من المواهب وشي محبوب جدّا من كل الناس فانه للحين
موجود وتقام عروض له بكل انحاء العالم ماعدى حنّا طبعا .. بس انه تطوّر وصار احسن من أوّل واهتموا كثير
بالأزياء والحركات والموسيقى والتمثيل ..

عندنا هنا اشهر سيرك وعلى مستوى عالمي .. سيرك دو سوليه



دو سوليه معناه سيرك الشّمس وهي شركة ترفيه كنديّه وتأسست عام 1984م .. وكلّ عروضه يندرج تحت شي اسمه
السيرك المعاصر .. السيرك المعاصر هو السيرك اللي يقتصر بسّ على العروض البشريّه ومافيه ولا نوع من الحيوانات
ويسوونه في مسارح عالميّه مهب في خيام او في الهواء الطلق .. العرض يكون فيه قصّه و مصحوب بموسيقى تكون
حصريّه للعرض ومنتجه له مخصوص .. وتوسّع عدد العاملين فيه الحين لين وصلوا لأكثر من 3500 عامل من اكثر من
40 دوله .. ويقولون ان عائدات ذا السيرك السنويّه حوالي 600 مليوووون دولار أمريكي

ثاني سيرك عندنا السيرك الروسي ..
بعد هذا مشهور جدّا ويقولون ان مروض الحيوانات عندهم اسمه زابانشي سوا حركه حلوه ودخلته موسوعة جينس
للأرقام القياسيّه .. جاب له حصانين وهم يركضون ووقف فوقهم بدون مايتمسّك وجو لاعبتين وكلهم وقفوا فوق كتوفه
لين سووا عمود طوله 4،5 متر ..

احبّ ابشّركم ان فيه سيرك حلو على الصعيد العربي اسمه السيرك المصري الأوروبي ..


فرقة سيرك اسسها مروض الوحوش المصري ابراهيم الحلو قلت لكم فوق انهم اول من دخل السيرك للعرب وخذ
ابو حلو ذا درجة دكتوراه في فنون السيرك والاستعراض معني توني ادري ان فيه دراسه للسيرك والاستعراض
بس نمشّيها .. والحين تديره وحده اسمها فاتن الحلو اشهر مروضه اسود بالعالم .
----------
ان شاء الله اعججبكم مع السلامه .. Very Happy




الرجوع الى أعلى الصفحة اذهب الى الأسفل
 
عالم السييرك ..
الرجوع الى أعلى الصفحة 
صفحة 1 من اصل 1
 مواضيع مماثلة
-
» الفيديو الذي أسلم بسببه 13 عالم من علماء الغرب

صلاحيات هذا المنتدى:لاتستطيع الرد على المواضيع في هذا المنتدى
احلي نجوم :: قسم الشعر ونكت :: مواضيع الشعر-
انتقل الى: