حبك بقلبي شايله يالغلا شيل

هذا هواك بداخــلي زايــد الكيـــل
وصار عن غيرك بقلبي مناعـه

أشتاق لك يابنت بالحيل بالحيـــل
والقلب في بعــدك يزيـد التياعـــه

أيام مرت هــدت القلب والحيـــل
هذي سلوم الحب وهذي طباعـه

يزقف بشرياني كما زقفة السيل
ومركب إحساسي تكسر شراعه

ياللي سهر قلبي مع احساسك الليل
وصوتك الـدافـي ذبحني سماعـه

ماقبل بحبك زيف عاشق ولا ميل
تبقى الغرام اللي رضعته رضاعه

مالك شبه لا في الثريا ولا سهيل
حتى القمر من نور وجهك شعاعه

ذوقتني من لوعــة إحساسك الويل
واظهرت في رسم العواطف براعه

حبك بقلبي شـايله يالغــلا شـــيل
مهما مع الأيام عشنا صــراعه