ماهي قصيدة

خلني اقول ان الأمر !
ماهو بأيديك
وماهو مهم ان الخلايق حكوبي


لا صار غيري شاغلك !
ويش أسميك
ولا صار غيرك لي بتغفر ذنوبي ! !



قلي وربك كيف قلبي بيآذيك !
وانا الذي لا احتجت لي بعت ثوبي


وان جيت حدي اعشق تراب رجليك
وان رحت عني رحت عنك مغصوبي


الزاد حبك - والاماني حواليك
والفين جرح بغيبتك رحبوبي


والحظ الاوفر بيننا هات واعطيك !
لا زان صبحي لا يفوتك غروبي



خايف من احساسي اذا خنت يجزيك ؟
ماخفت من حبك يعادي هبوبي


ياخي مدامك خايف اني اخليك
ليه الفراق الي يهرهر جنوبي



سودت وجهي عند كل من يعاديك
اسمك وهو اسمك غدا من عيوبي


لوك تبيني .. ما تجاهلت مغليك
لوك تبيني .. ماتزايد شحوبي



ان جيت ابتحمل يكّفي تغليك
اما تغليك وبشر عزرو بي


لا صحت وينك صاحت بحب هذيك
ماهو بحولك .. عن مناداه توبي !


وشلون بخفي غيرتي يوم اناديك !
ويصيح غيرك - ابعدي عن دروبي


ماهي قصيده
جيتك بحق واشكيك
ليه الاوادم دوبهم دوم دوبي



ان هي قصيده ! كل حرف ِبها انخيك
وشلونَ تسكب هالجفا وانت كوبي


انا الذي ب احساس جيتك البيك
وان جيت يمي قلت ياروح ذوبي


ولا من تبسم خاطري !
قلت يفديك
وانا بحاجه مين ! يملي جيوبي


رغم ان قلبي وان تباطيت يمحيك
ان رحت عنك وين بلقى هروبي


حولي وامامي !
صعبه اني اجافيك
ان غبت ! صوبك كل ما بي غدوبي



وان جيت بنهي قصتك
قلت انا ابيك !
وارجع وعينك والنهايات صوبي


وان رحت عنك قالو الحب يبكيك !
بهذلتني - واهل الشماته درو بي


مدري وش الي فيك ! لكني ابغيك
احتاج وصلك !
واحتياجي طغوبي



وان كان غيري عايشِ بين ضلعيك
سلم عليه .. ولا يهمك حروبي


دآمي بـ وآدي ! وانت يابعد واديك
ما الومهم يوم انهم هبلو بي


ادري مسافه - بس قّرب خطاويك
شوف الجروح اشلون تملي ثقوبي


للرائعه رباب