كلمات اغنية فيلم الالماني احمد سعد
اغنية المطرب احمد سعد من فيلم الالماني 2012
كلمات اغنية انا انسان احمد سعد
انا انسان مالوش احساس وبعمل كل شىء ممنوع
وقلبى كانه خيط اسود ومن كل اتجاه مقطوع
واكتر حاجه تعبانى انى انا حابب الموضوع
وعايش عمال استقوى على الرغم انى حد ضعيف
بقيت فى القسوه شخصية بجد غنية عن التعريف
انا مش راضى عن نفسى ونفسى بجد ابقى نضيف
ومن كتر اللى جوايا كل ما ابص فى مراية
اخاف على نفسى من نفسى كأنى قصاد واحد تانى
اغمض عينى واتدارى يا الف خسارة وخسارة
بقيت كل ما اشوف نفسى احس بحاجه خنقانى
مين هيتطمنى وانا بالقسوة ديا
نفسى ابطل اشوف بعينى كلى خوف
مبقتش عارف بس اجيب العيب عليا
ولا اجيب العيب على الناس والظروف
ومن كتر اللى جوايا كل ما ابص فى مراية
اخاف على نفسى من نفسى كأنى قصاد واحد تانى
اغمض عينى واتدارى يا الف خسارة وخسارة
بقيت كل ما اشوف نفسى احس بحاجه خنقانى
انا انسان مالوش احساس وقلبى كانه خيط اسود
واكتر حاجه تعباني ,,,
انى انا حابب الموضوع
انى انا حابب الموضوع